王浩信奉旨虐待江嘉敏
王浩信在新劇中有虐待江嘉敏的戲份，將對方當成人肉沙包，雖然二人年紀相差11年多，但浩信指江嘉敏是個活潑女孩，不擔心出現代溝，又笑言拍攝時想像自己變得後生，可以重拾童真！
藝人王浩信、朱晨麗（朱朱）、楊明、陳庭欣（Toby）、劉穎鏇、江嘉敏（Kaman）等昨日出席新劇《兄弟》試造型，部分演員更即場示範打拳，個個打到啪啪聲，有姿勢又有實際。浩信表示今次演一個成功的KOL（網絡紅人），因收入不錯，身邊會有很多保鏢，又透露有虐待江嘉敏的戲份：「我呢身造型都覺得我心理上係唔同啲啦！我會搵佢出氣，佢變咗我嘅沙包。」
唔會有代溝
浩信覺得Kaman是個活潑的女孩，提到二人的年齡相差11年多，他說大家都是說共同語言，希望不會有代溝問題：「惟有拍嗰時幻想自己細個啲，攞番啲童真，亦都要保養得好啲。」他又笑言今次除衫及動作戲份全交給伍允龍：「佢之前喺荷里活有套戲，同佢拍《兄弟》我都覺得我動作勁咗。」他又說還有兩星期假期，會多陪伴家人，之後便會投入拍攝工作。
陳庭欣練拳
Toby表示於劇中飾演最好打的女保鏢，知道故事後更努力練拳，之前她斷斷續續練泰拳四至五年，亦會打到有瘀傷，但她覺得近期打得最型非胡定欣莫屬！問到會否向對方偷師？Toby說：「見到佢一定會，佢都知我鍾意打拳，都有同佢傾點練到馬甲線。」她更坦言為角色特地操Fit身形：「以前做一至兩日運動，依家都加到三、四日，亦有同其他人一齊練。」而飾演國際刑警的朱朱指有不少着高踭鞋及裙的動作戲，坦言做打女都可以好型。
文：影視組