參演《肌智同學會》（Central Intelligence）的荷里活諧星Kevin Hart前日收起笑臉，嚴肅地拍片向懷孕的老婆與子女道歉，自言最近做錯事並深感後悔！據知他偷食斷正遭勒索，所以搶先「自首」！
現年38歲的Kevin在片中表示：「我正處於人生達成目標嘅階段，我理應作出聰明嘅決定，但我最近冇咁做，我唔完美。我做咗一個壞嘅判斷，令我置身一個只會有壞事發生嘅環境入面。我知我咁做會傷害最親密嘅人，作為我老婆與子女，我向你哋道歉。當你喺一個糟透嘅時刻知道自己做錯，冇任何藉口可以解釋自己嘅錯誤行為。不過我同時唔會畀人從我嘅錯誤中獲得金錢利益，我寧願從實招來！」
據知一名女性拍下與Kevin的親熱片並勒索他，否則將公開片段。有知情者透露共有幾段片，第一條片見到一名女子與Kevin在夜店舉止親密，之後畫面轉向影床，不過在床上不見有人，只聽到「啪啪聲」，第三段片則見到有兩個人在房內行來行去，但片段「鬆郁矇」，其中一個人疑似是Kevin。他的發言人透露有人嘗試勒索及陷害Kevin，警方已介入，為免影響調查，故未能進一步評論。其實早於7月，Kevin已被拍得與其他女性在邁阿密酒店外同行，被傳背妻偷食，他否認並上載多張圖片，以搞笑形式回應偷食傳聞。
拍劇出身的Kevin，2002年開始進軍大銀幕，除了拍《肌》片外，亦主演過幾部賣座喜劇，包括兩集《辣更兄弟幫》（Ride Along）及《The Wedding Ringer》，最近就與動作巨星狄維莊遜（Dwayne Johnson）繼《肌》片後再合作拍大片《逃出魔幻紀：叢林挑機》（Jumanji：Welcome to the Jungle），估計身家高達9.36億港元。Kevin於2010年與Torrei Hart離婚，二人育有一子一女。2016年，他與模特兒女星Eniko Parrish再婚，Eniko今年5月宣布懷有男嬰。
文：外娛組