拍戲當開單身P 王君馨唔驚未婚夫酒去蒲
將於7月11日與圈外男友Daniel舉行婚禮的藝人王君馨，日前晚上與蕊蕊、洪天明、周嘉莉及陳美伊等到尖沙咀拍攝由范振鋒及錢國偉監製的電影《醉爆閨蜜》。幾位索女身穿熱褲及短裙騷美腿，引來大批市民圍觀，碰巧在附近用膳的張繼聰亦前來跟錢國偉吹水。
想瘦到花曼咁Fit
戴上圓框眼鏡的君馨笑言電影中有不少開P戲份，感覺似開婚前單身Party一樣，而她煞科後將停工準備婚禮，並重新建立健康生活習慣，期間會為大學同學做伴娘當偷師。見君馨身形瘦了，她解釋並非刻意減磅，只是拍戲辛苦，笑言不擔心「托唔起」婚紗，又想腰部再瘦點，貼近當年角色花曼的Fit爆身形。講到戲中要飲酒，她表示讀大學時酒量較現在好，問到未婚夫酒量如何？君馨笑說：「唔得o架！飲少少就似食物中毒，全身紅晒變車厘子！（放心佢唔會去蒲！）係喎！幾好喎！感謝耶穌畀個咁好老公我！」
蕊蕊醉咗會瞓覺
蕊蕊則透露戲中負責性感部分，一飲醉就剝衫露出Bra Top，大騷E Cup身材，她笑說：「唔知點解我啲衫咁易除，跟住自High揈衫，我現實生活梗係唔會咁，醉咗會瞓覺。」此外，講到日前被拍到與迷你倉老闆行街，蕊蕊澄清對方只是朋友，當日是傾贊助迷你倉事情，完全沒有發展機會。
文：影視組