藝人麥長青及江美儀前晚錄影無綫節目《關你家事》，談到節目之前邀請了黃宇詩男友的前妻亮相，並大講「小三」話題，引起極大回響。兩位主持均指內容對事不對人，麥長青說：「宇詩唔開心係明白嘅，但我哋唔係爆料節目，係同大家研究吓如果遇到小三，夫妻間應該點處理，我哋冇針對人，嘉賓身份都係錄影傾傾吓先知，坦白講香港地呢啲例子唔少，壓力大唔大，係因為件事牽涉到公眾人物！」
