黃秋生做評審一口氣睇8套戲
藝人黃秋生前晚為第四十一屆香港國際電影節「頒獎禮之夜」擔任評審，他透露日前飛往北京為網上節目開會，利用僅餘兩天時間一次過看8部電影，笑言「睇到死吓死吓」：「水平唔太高，但睇得明。」又說：「有啲拎獎嘅幾傑出，就算冇獎拎嘅，有部韓國嘅題材古靈精怪，都唔錯。」
問到可有與同場的內地導演賈樟柯聊天？他說：「打咗個招呼，唔通一嚟就同人傾合作咩！」他表示是次評審工作容易，四位評審意向一致，沒有分歧。問到平日可會留意影評？他說：「少，Herman（邱禮濤）都會Send畀我睇。（正評、負評都接受？）會，曹操有知心友，關公都有對頭人，有人鍾意、有人唔鍾意，做出嚟多人唔鍾意只係唔啱市場，正如去回教國家賣豬肉實畀人砍啦！」此外，他透露將為美國著名劇本演舞台劇，故事圍繞電影圈：「依家翻譯緊地道語言，一頭煙呀！」