雨僑BB出浴絕密曝光

歌手雨僑自小於長洲長大，大讚該區富有人情味，她說：「以前成日去消防局接爸爸收工，因為唔係成日出市區，好多時都會去消防局燒嘢食同大食會，村民同警察、消防員打成一片。」雨僑更搞笑地以「黑炭頭」形容童年膚色：「我未變黑前其實都係靚BB嚟，4歲去完泰國之後就開始好黑，跟住黑足20年未白過。」她承認踏入小學開始貪靚，並自嘲未留長頭髮時似男仔：「未着裙同未有頭髮時，好多人都同我媽講，你個仔好靚仔，同埋成個童年大部分時間都係短頭髮，因為媽咪要返工，得工人姐姐照顧我，唔會幫我紮辮，到大個自己識紮辮先有得留長髮。」對於「出浴照」曝光，雨僑感謝父親為她留倩影，認為每對父母都會為仔女操刀拍攝三點盡露相：「一定要影啦，相信每個小朋友都有呢款相，我都成日幻想第時幫個女影。」