許廷鏗榮升舅父 恨生B
歌手許廷鏗與譚嘉儀昨日出席活動，適逢昨日是許廷鏗29歲生日，大批歌迷到現場祝賀，他表示收工後回家與家人慶生，家中會大排筵席。講到家姐生了B女搞到他被搶風頭，他笑言：「做咗Artist咁耐都唔夠個BB女爭，但見到BB女時真係呢……（有衝動生番個？）係憧憬啦，唔好用衝動，BB太得意啦。（你做舅父已經係咁，做爸爸點算？）係囉，如果做阿爸應該唔會寵佢，會係嚴父，但依家講住先啦。」
講到好友吳若希謂不定時餵人奶驚變岩石胸，他笑言自己冇摸過：「目測大就真嘅，佢話凌晨3點都好想去育嬰室抱番個女，牽住咗佢嘅心，但希望佢唔好放棄事業，但要快啲收身先！（佢好膨脹？）咁佢塊面都脹脹哋。」又謂不知對方何時會結婚。另外，身為壽星仔的他先後獲鄭欣宜、關心妍夫婦等人慶生。
