蔡思貝於失意之時，慶幸身邊有一班愛錫她的朋友仔扶持，才得以捱過黑暗日子！她坦言當年與麥秋成分手，曾到好姊妹張曦雯家住了幾個月，二人之間無所不談。張曦雯大讚對方未有帶同負面情緒開工，每次埋位均表現專業。
而思貝的好姊妹之一陳嘉寶則表示作為藝人，很難避免聽到各種聲音，故絕對明白對方感受，她說：「作為朋友喺佢需要嘅時候陪佢、借耳仔畀佢，思貝係我認識其中一個最努力、專業同捱得嘅人，連我嘅朋友都睇到佢嘅進步好大，相信佢慢慢會得到成果，忘記唔開心嘅嘢。」
