原島大地拍戲幫補學費
童星出身的原島大地昨日出席主題公園活動，透露趁學校假期來港賺外快，正於東京的國際大學修讀國際關係的他，表示尚未計劃將來，一切待完成四年課程才決定。問到可適應大學生活？他謂：「同高中相比輕鬆啲，唔使咁早上堂，放學時間又早，課堂又少，所以做嘢只會周六、日，香港為主，日本就學習為主。」
問到公私兩忙的他是否沒時間拍拖？原島大地表示沒有多想，現時亦沒有心儀對象，那有否趁來港與曾合作電影的張栢芝見面？他說：「冇啦！邊度有，當年拍完戲都好少聯絡。（有冇見吓導演傾合作？）會，今年年底可能會拍一部青春愛情片，但邊位導演就唔講得，到時會放假先拍，盡量唔好影響學業。（片酬呢？）唔方便講，賺錢都係幫補學費。」
