Jenna魔鬼身材老公開心Share

要數荷里活人氣舞蹈電影,「80後」一定有睇過《舞出真我》系列,不少女角睇得又跳得,首集女神Jenna Dewan更與型男主角Channing Tatum跳出真愛,Jenna結婚多年不但Keep住魔鬼身材做人妻女神,仲有火辣生活!

現年36歲的Jenna初出道時曾任天后珍納積遜(Janet Jackson)的舞蹈員,2006年夥拍同為新人的Channing演出《舞出真我》(Step Up)而人氣急升,戲中不時埋身熱舞的兩人更一跳傾情,2009年完婚做人妻,四年後誕下B女Everly做埋辣媽,愛情、事業、家庭樣樣得意,名副其實「人生勝利組」!

長腿俏臀任睇

舞蹈員出身的Jenna平日最愛跳舞及健身Keep Fit,婚後仍毫不吝嗇大晒零走樣身材,還於劇集《The Playboy Club》有性感噴血兔女郎演出,近年客串《No Tomorrow》時與Joshua Sasse亦有火辣對手戲。不過講到最大方的反而是型男老公Channing,今年初曾上載老婆小睡的黑白照,年過30的Jenna全裸瞓在床上攬實張被,雖然三點不露,但成副魔鬼「波地」曲線、長腿與俏臀任睇唔嬲,養眼到盡!Channing不忘留言大讚老婆,「放閃」無極限!

幽默又愛玩的Jenna不時出奇招Keep住婚姻新鮮感,近年不但孖老公上咪嘴節目重現男方於《光豬舞壯士》(Magic Mike)的辣身舞,除了當眾晒身材與老公玩Lap Dance偷襲「小Channing」外,她還揸實老公手仔自摸熱舞,場面又Hot又Sweet!兩公婆去年趁着《舞》片十周年紀念,於花園重演電影中的經典訂情熱舞,冧爆之餘更箍實電影粉絲的心,十年過後仍是粉絲心目中的男神女神!

結婚八年激情未淡

Jenna由人妻變成人母後,不時「婚」享相處之道,更語出驚人講快樂性生活,獲粉絲派Like!同為「舞林中人」的Jenna與Channing曾自爆平日生活亦有跳舞添情趣,女方近月被問到會否為閨房樂落力時坦言:「點解只係取悅男人?我係為自己添新意,我買嘅內衣係畀我哋兩個嘅!如果你感覺性感,對你自己就係件好事!」Jenna亦表示兩人結婚八年,仍未變成定期交歡的夫妻,生活有風浪又有火花,更不時掛住對方,Sweet到震!

文:外娛組