唱十年慘情歌悟真理關楚耀：勉強冇幸福
暫別樂壇近3年的關楚耀（Kelvin）再度推出新歌，經過沉澱後，以新曲風演繹最拿手的慘情歌，希望讓歌迷看到不一樣的自己。不過他為新歌錄音時撞正分手，聽到旋律時感覺猶如在傷口上灑鹽，更自嘲唱了十年慘情歌，得出的結論就是「勉強冇幸福」。
歌手關楚耀（Kelvin）近年參與過不同電影，亦得到不錯的成績，相隔三年後再度重返樂壇，直言感覺新奇、興奮又刺激。問到為何對音樂愛火重燃，Kelvin笑言其實從沒放棄過音樂，非常感激新公司對其信任，讓他再推出新歌。作為回歸樂壇的主打歌《死亡之吻》，Kelvin表示雖然同樣是拿手的慘情歌，但曲風跟過往有很大分別。談到新歌主題，自言在感情方面歷盡高低起伏的他，慨嘆英雄難過美人關，更自認喜歡被女友食住：「正正就係首歌想講嘅野，無論喺社會幾有地位或幾有錢，碰到某種女人都會死喺佢手上。我鍾意女人有自主權，有自己諗法，鍾意強勢啲！」
身心俱疲惟有放手
Kelvin坦言為新歌錄音時撞正與女友分手，聽到旋律簡直就是在傷口灑鹽，但慶幸能在錄音時發洩所有情感：「依家叫做平復咗，但最近推出首歌，真係愈聽愈中……（投入工作唔去諗傷心事？）隨緣啦，都唱咗十年慘情歌，所以有個總結，就係覺得勉強冇幸福，同埋有啲野要殘忍啲，唔好嘥大家時間。」從前戀愛大過天的他直言試過失去工作機會，現在難得仍有導演給予機會，唱片公司肯投放資源在自己身上，所以必定要好好把握。問到是誰選擇結束感情，Kelvin指是大家的共識，因為工作忙碌而無法見面，更覺得這段感情令大家身心疲倦，所以最後選擇放手。
繼續歌影兩邊走
至於工作方面，Kelvin透露會繼續歌影兩邊走，除了繼續拍電影外，更會隨着今次新歌的方向延續故事，創作接下來的歌曲。暫別樂壇3年，今次是否算是重新上路？他笑言自己一直沒有離開過，沉澱了一陣子，了解自己更多後，希望大家能看到不一樣的關楚耀。
文：音樂組
攝：劉智源