張建聲搞製作公司諗嘢最緊要快

藝人張建聲(Justin)繼續約蕭定一公司後,又「升呢」做老闆,Justin表示凡事要親力親為:「我咁大個仔第一次做老闆,同兩個朋友各投資六位數字開製作公司,由搵地方、買傢俬,付出好大精力同時間,好多裝修都係自己搞,係個非常好嘅經驗!(想幾耐回本?)冇諗,搞公司係想將我哋意念同拍攝手法展示出嚟,品質重要過生意!依家暫定每星期出一條片,想啲片做到黑色幽默嘅效果,希望好似我哋個名『嘩佬製作』咁,好似裝咗Valve咁,諗嘢好快!」

Justin強調不會減少幕前演出:「搞製作公司唔會分薄我嘅時間,我哋公司仔啫!以前我唔使拍戲,會休息、玩,依家就攞休息時間度橋,係辛苦少少,但好值得,我會以演藝事業行先,演員工作係我好看重嘅工作!」