王卓淇自認小女人：多數畀人恰

前港姐王卓淇（Erin）卸任後不斷有演出機會，早前更在劇集《我瞞結婚了》飾演一名恨嫁的女孩，並與何君誠飾演一對情侶。Erin坦言自己與角色相同的地方，是同樣希望有個浪漫婚禮，她說：「我會想喺小島舉行，劇入面嘅我係即使冇錢都想將個婚禮搞得好好睇睇，但現實嘅我，如果冇錢嘅會留番喺香港搞。（秘密結婚？）一定唔會，會話畀大家知！」多在劇集中飾演刁蠻女的她，表示現實生活中並不強勢：「現實嘅我係一個小女人，多數都係畀人恰多啲。」

家人介紹相睇

近日Erin在另一劇集《全職沒女》中演出，劇接劇曝光率甚高！那感情狀況又如何？早前在社交網宣布已與圈外男友黃巨榮（Ken）分手的她坦言：「我哋好認真咁交往過，其實我哋屋企人介紹下去相睇，屋企人好想我哋一齊，但我覺得啱係最緊要，所以冇再進一步發展，我哋都覺得唔可惜。」

王卓淇（右）早前在《我瞞結婚了》中，與何君誠飾演情侶。	王卓淇與圈外男友分手，覺得並不可惜。	王卓淇坦言下次拍拖，絕不接受異地戀。

問到誰先講分手？Erin說：「大家都有講，不過其實都唔算係拍拖，都係約會吓，見面次數都唔係好多，因為佢喺大陸做生意，大家都冇咩時間了解。」她又謂若下次談戀愛不能接受異地戀，更幫對方澄清只是個創業的年輕人，並不是傳聞中的富二代。

文：專案組

攝：吳文聰