全副身家開戲李逸朗闖內地冇得輸
藝人李逸朗早前自導自演兼自資開戲被人大潑冷水，現時網絡電影翻本，自嘲被視為「怪物」的他坦言鬆一口氣：「兩年前喺北京返嚟，喺香港定位係一個怪物，好多人心裏面覺得李逸朗係怪物，呢兩年冇咗好多贊助，人哋覺得我好怪，又冇遇到好角色，拗頸不如自己搵機會。」
李逸朗問朋友借錢及全副身家押注開戲：「唔掂都冇咩，我成日都唔掂，始終係第一部粵語嘅網絡電影返上大陸，就算唔賺錢都冇輸。」自導自演的他坦言沒預計會如此辛苦，原本打算全裸時展示操弗三個月的好身材，卻因太攰水腫搞到走樣：「自己係輕視咗，做導演好多嘢要兼顧，好似演員情緒，不過都會繼續做導演，有啲新構思想做，唔做就會失業。」