處女拍劇勁緊張唐貝詩狂刨劇本

藝人唐貝詩（Lydia）下星期將開拍奇妙電視開台劇《熱戀一百天》，是一部關於大學生的愛情劇，首次拍劇的她坦言心情緊張：「因為我一直都好期待有個重要角色可以發揮，等咗好耐，今次試鏡終於成功，我睇咗好多次劇本，依家仲有幾日時間會努力再去刨熟劇本。嚟緊仲有一部電影傾緊，係同馬來西亞導演合作。」
即將首次拍劇的唐貝詩透露非常緊張。
即將首次拍劇的唐貝詩透露非常緊張。

而Lydia趁拍劇前的空檔，早前與胞妹唐貝欣將冬天的衣物、滑雪及高爾夫球用品放進迷你倉，以騰出更多空間，Lydia表示：「我都係第一次租迷你倉，因為之前睇好多新聞，覺得唔係咁好，今次係經朋友介紹，同我想像中好唔同，好乾淨又方便，仲可以24小時。（屋企好多雜物？）有少少逼爆，我已經冇儲嘢習慣，以前好多公仔已經送晒畀人，我同妹妹都有鼻敏感，最怕係有塵，所以唔可以有太多雜物。」

唐貝詩早前與妹妹唐貝欣將家中雜物放進迷你倉。
  • 唐貝詩早前與妹妹唐貝欣將家中雜物放進迷你倉。