天堂鳥北上搵銀賺得更多

組合天堂鳥BOP成員Lincoln及Tyrese昨日出席化妝品KOL活動，但Gordon則因要拍綜藝節目而缺席。與前經理人公司有合約糾紛的他們表示現時是自由身，但問過律師意見可以如常工作，並透露五月會推出新歌：「今次落手落腳做歌，之前都去咗韓國拍MV。（你哋要打官司，仲有錢？）所以我哋3個人夾埋積小成多，同埋事件發生後一直都有香港同內地客戶搵我哋做嘢，喺內地有拍真人騷同網絡電影，只係少喺香港露面，但可以講比之前搵得多。」他們亦說為了合約糾紛，現時共花了六位數律師費，但對此有信心，亦不怕打官司。