歌手吳業坤昨日到電台宣傳新歌時表示預計十月出碟，並舉行音樂會：「知道人氣難Keep，但都希望做好啲！」講到有份演出的新劇《殭》，他笑言劇中會裸上身坐在謝安琪旁邊，問到裸上半身是否要谷收視？他搞笑說：「都希望可以，絕招都出埋，咁脫法都幫唔到，我怕公司唔再搵我拍劇！」其後他又預告頭幾集可以看到他裸上身。問到可接受全裸？他直言看完電影《丹麥女孩》後，覺得如劇本有需要都不介意全裸，因為做演員為電影可以去到盡。
