有番咁上下年紀嘅朋友應該仲記得風靡一時嘅玩具四驅車，而經過十幾二十年之後，四驅車再度受到大家關注。其實四驅車唔單止令男仔感興趣，唔少女仔都鍾意，日本寫真界巨乳系新貴夏江紘實就係其中一位喇！
男人有兩大興趣，第一係睇女仔，第二就係玩車，其實兩者都有共通之處，除咗唔容易得到，更加唔容易養之外，能夠令男人流晒口水都係線條優美嘅外形，當然一副辣偈亦同樣重要啦！近期喺日本寫真界人氣勁升嘅夏江紘實就擁有一副辣度十足嘅胴體喇。
24歲嘅紘實青春甜美，充滿陽光氣息但係又兼具鄰家少女嘅深閨感覺，可謂有動又有靜，集兩大特點於一身就最適合貪心嘅男士欣賞，因為可以一次過滿足佢哋兩個願望，咪住！應該係三個願望先至真喎！紘實除咗面孔吸引，身材更加被寫真界形容為「極具爆炸性」，原因係阿妹肌膚鮮嫩白滑，膚質足以列為當今寫真界嘅頂級之列，另一方面胴體凹凸有致，腰幼臀圓，腿又夠修長，胸前仲擁有一對純天然彈力F奶，令男人一望就感受到無比震撼力！不過，大家唔好淨係留意阿妹嘅外表，其內在美都值得大家欣賞。
紘實有幾多內在美？先講一講阿妹嘅學歷。大家唔好睇阿妹咁索又好波就以為佢胸大無腦，其實佢係日本成城大學經濟學畢業生，讀得大學仲要係讀經濟學真係蠢極有限啦！另外，阿妹可謂多才多藝，自細學習舞蹈及鋼琴。一次同大學朋友去游水嘅時候，被人發現紘實原來擁有咁好嘅身材，故推薦佢參加「Miss成城大學選美比賽」，憑住其爆炸性胴體勇奪冠軍！
之後紘實殺入寫真界搵食，阿妹身材咁好，順利喺業界佔一席位，同時喺藝能界亦發展如意，獲邀請成為多個資訊性節目嘅助理主持，喺拍寫真以外開闢新發展路線，最近仲喺電台有一個專屬節目叫《夏江紘實的HIROMIX Radio》添。除咗發揮才華，紘實喺藝能界仲可以寓工作於娛樂，因為阿妹本身係一位玩具四驅車愛好者，有電視台正計劃搵佢做一個叫做《Mini Mini四驅車講座》嘅節目，等紘實可以造訪其他四驅車愛好者，一齊同大家分享箇中心得同樂趣。
簡介：夏江紘實唔使拍寫真嘅時候亦有好多工作，想緊貼阿妹嘅動態，咁就一定要留意佢嘅個人博客喇！
網址：http://ameblo.jp/6363117/
年齡：24歲
身高：5呎4吋
三圍：34F-23-34
撰文：賢