戲中有戲 吸引觀眾

無綫新劇《水髮胭脂》，本質為時裝劇，但卻不乏連場粵劇場口，實行戲中有戲，為觀眾帶來不同的視覺享受。監製李艷芳自爆耗盡心力打造真正的粵劇戲份：「即使粵劇佔全劇篇幅唔多，但都想堅持專業，所以就實景拍攝。我哋由預訂十二人中樂團、場地、戲服都係當一場真正嘅粵劇表演咁做。」她又稱找來專人設計及編排折子戲中的武打場面：「一講粵劇就會有悶同老餅嘅印象，所以我哋冇拍唱戲，反而選用專人設計嘅打戲。額外排練打戲嘅蓋鳴暉同謝雪心仲出動埋私伙戲服，希望以動感畫面吸引觀眾！」