亞男進駐愛巢 Bob贈生女秘方
王祖藍求婚成功，其育有三女兒的老友林盛斌（Bob）昨日出席活動時表示戥他高興，還打趣說會送「生女秘方」作賀禮，又直言心痛祖藍的喜事被質疑「做騷」。而準新娘李亞男則現身大埔「愛巢」，對婚期繼續三緘其口，叫大家「忍住先」，稍後才有公布。
林盛斌昨日為《長隆海洋王國 X OK便利店合作發布會》任主持，席間與觀眾玩遊戲，更一展舞技。
談到台慶夜幫助王祖藍向李亞男求婚，Bob笑說：「事前忍得好辛苦。（婚期訂咗明年2月14日？）佢淨係話叫我度一日畀佢，（婚期？）我係睇報紙先知，應該啱嘞。（送咩禮物畀佢哋？）錢我唔夠祖藍多，我生咗三個女，所以送生女秘方，人哋畀幾十萬我都唔公開呀。」
讚天作之合
對於網民指祖藍求婚是為搶收視，Bob無奈表示：「大家諗嘢簡單啲啦，應該衷心祝福，佢哋係天作之合。」另外，孫敬安昨與Bob同場，談起早前與鄭多燕的合約糾紛仍怒氣未消，表示要追究到底，還自己公道。
至於祖藍求婚後即離港工作，亞男前晚以女主人身份現身位於大埔雅景山莊的獨立屋「愛巢」，同行尚有其父母。一行人逗留約個半小時後離開，期間祖藍舅父冼偉智亦有現身，亞男發現記者即大方甜笑騷「定情巨鑽」，並連聲多謝記者祝福。
準新娘口密
問到婚期，亞男就謂：「同祖藍傾過，到時大家會知，忍耐吓先。（喺迪士尼結婚？）未知。（明年四月喺教堂行禮？）想去教堂，會請好多好朋友，包括舅父。（結婚後住呢度？）係，啱啱裝修完，好滿意。」
文：影視組