何倍倩產品 睇齊國際名牌
貴為三子女之母的恒生新抱何倍倩，是香港時代女性的表表者，七年前獨力創立的護膚品牌，近日榮登全球奢侈購物網站www.net-a-porter.com，與其他世界知名國際名牌並列。
名媛何倍倩（Anina）向來事業心重，本身育有一子的她，去年再誕下雙胞胎，同一時間照顧三子女，但從未想過放棄事業，近月遂決定將屋企變成home office，除每天返公司開會外，騰出更多時間留在家照顧子女，能夠兼顧家庭和事業，故獲得老公信任。
英百貨公司上架
昨日她開心透露其一手創立的瑞士護膚品牌Zensation，近日成功打入www.net-a-porter.com網站，她說：「可能之前喺美國出過好多電視節目，多人睇到，呢個網站好揀擇，唔係咁易入去，今個月中就會喺網發售。」另外，12月又將會在英國七間百貨公司上架，故來年她計劃將公司擴充，實行大展拳腳一番。
沖繩為囝囝慶生
不過她說無論如何，最緊要還是小朋友，實行向老公派定心丸，早前兒子五歲生日，她和老公便帶兒子到沖繩旅遊慶生，帶兒子看水族館、菠蘿田及行沙灘，她覺得住在香港的小朋友，見慣城市的高樓大廈，故一有機會便讓兒子多點親近大自然，她說：「阿仔喺水族館睇咗個半鐘頭魚唔願走，其實我睇咗半個鐘已經開始悶，點知想帶佢走時，佢竟然喊起上嚟，之前唔畀佢玩機動遊戲都冇喊，佢真係好鍾意動物。」
文：名人組