譚俊彥接棒包公「升堂」望狄龍退休享福
事隔多年，譚俊彥子承父業接狄龍棒演包青天，他透露最近與爸爸完成一套電影，相信是父子檔最後作品，因他希望70多歲的狄龍退休湊孫，好好享清福。
藝人譚俊彥、曹永廉、胡定欣、姚子羚、陳凱琳、張振朗、龔嘉欣與湯洛雯等昨日齊集將軍澳電視城，為新劇《包青天再起風雲》試造型及拜神。譚俊彥繼承父親狄龍多年後演包青天，問到有冇壓力？他笑說：「冇諗！香港要養兩個細路壓力大啲。（狄龍有冇畀意見？）佢咁多年畀咗好多意見我，教我做一個盡責嘅演員，要尊重導演、開工準時，多謝佢由細到大嘅培養。」
曹永廉頂替演公孫策
譚俊彥又透露與父親最近完成一套馬來西亞電影，可能是父子檔最後一套，因他希望爸爸退休湊孫享清福：「我想佢退休，佢年紀都大已經70幾歲，之前喺內地拍嘢都中暑。（狄龍想退休？）呢個係我嘅諗法，呢幾個月有好多朋友走咗，覺得有啲嘢應該改變，大家轉一轉崗位，今日就當係我接棒。」而曹永廉頂替老友陳國邦飾演公孫策，他笑說：「佢最安慰係我去頂。」展昭則由張振朗飾演。
胡定欣姚子羚變情敵
劇中，胡定欣飾演開封第一位女訟師，文武雙全，她笑說：「冇諗過有機會做一個角色係會愛上包青天，戲中公孫策就暗戀我！」姚子羚在劇中則飾演驗屍官，並成為包青天的太太。提到劇集明年將到橫店及新疆拍外景，胡定欣說：「聽人講去新疆要特別注意安全，但監製話我哋去取景嘅地方都有劇組去，相信公司會做好資料搜集，好安全，反而擔心天氣凍。」
另外，講到麥明詩自爆遭性侵，胡定欣認為女性要懂得保護自己，遇事要出聲。姚子羚則讚香港女仔很有勇氣，夠膽行出來講不快往事，希望大眾會尊重及關心女性。
文：影視組