劉培基揭最後願望 珍惜眼前人
2003年12月30日，一代巨星梅艷芳罹癌隕落，享年四十歲，痛定思痛，今天是梅姐五十歲冥壽，摯友兼御用造型師劉培基（Eddie）輕抹眼淚，開始憶訴起與梅姐一起走過的許多個生日。但每年梅姐生日，他幾乎奉旨缺席：「因為佢（梅姐）遲到得離譜，遲三、四個鐘係好閒嘅事，真係分分鐘請食晚飯變食消夜。」
眼淚不停流
而在2003年逝世那一年，阿梅的最後一個生日會，阿梅邀請身邊一眾好友生日會到府上慶祝，當晚梁家輝、鍾楚紅、張栢芝、徒弟何韻詩及契媽等均是座上客，Eddie說：「嗰年因為佢身體唔太好，個個勸佢唔好飲酒。」說到淒涼處，Eddie都黯然嘆息，並續說：「佢切蛋糕時最後一句說話係：珍惜眼前人，我估唔到佢會咁講，所謂生離死別都係莫過於一個人喺不經意嘅說話中感覺得到，風雨欲來，令人難受，之後佢啲眼淚就一路咁流落嚟。」
思念化文字
雖然十年已過，Eddie卻難以釋懷，經常感到似是故人來，他惟有將思念化成文字，以斷腸字抒憶：「十年不經意間，妳已悄悄遠行，記憶屬於生命，誰能輕易抹去……」
文：音樂組