陳凱琳蔡思貝變大牌港姐

陳凱琳（右）與蔡思貝不敢談及公司被罰一事。

應屆港姐冠軍陳凱琳及亞軍蔡思貝，昨日連同鄧麗欣（Stephy）、麥家瑜、Robynn & Kendy等一眾歌手出席慈善活動。活動開始時兩位港姐仍未到達，在活動開始約半小時後才現身，但獲不少觀眾要求合照及有大批龍友舉機喪影。慘變遲到大王的兩位佳麗被問到遲到原因，她們死撐是公司安排，堅稱沒有遲到，蔡思貝說：「我哋唔係遲到，每個藝人上台時間都唔同，係公司安排。」而陳凱琳亦補充說：「我哋唔係遲到，已經到咗，一早standby。」

讚公司處理妥善

當問到兩人對無綫因涉嫌違反反競爭條例，被通訊事務管理局判罰九十萬元的意見，美貌與智慧並重的兩人化身人肉錄音機，不斷重複同一論點：「公司已經處理，覺得佢哋安排得好好，我哋冇乜補充。」問到她們是否被無綫下了封口令？她們再說：「公司已經發表咗聲明，冇乜補充，（你哋覺得咁樣判公唔公平？）公司聲明講得好充足，我哋覺得每方面公司都安排得好好。」當問到她們是否已和無綫簽藝員合約？兩人以私人理由拒絕回答。

陳凱琳大受現場觀眾歡迎，頻邀合照。

鄧麗欣在內地發展兩年後將回港工作。

• Robynn（左）& Kendy參與慈善活動。

鄧麗欣留港發展

另外，同場的Stephy透露將會留港發展，提到男友方力申亦曾指有意留港工作，她笑言：「係咩？做乜跟住我？都有少少商量，但我哋冇夾過，我哋差唔多時間上內地發展，發展咗兩年，係時候返嚟。」 文：音樂組