陳琪做足準備唔怕「搞出人命」

藝人陳琪近日趁老公胡諾言休息數日，忽發奇想撇下家中三個小朋友，到馬爾代夫旅行過二人世界。面對陽光與海灘，她不放過穿泳裝的機會，由老公充當攝影師影靚相，陳琪笑說：「出發前朋友已經警告我哋，兩個人去就好喇，唔好三個返，因為已經有三個仔女！我話唔會啦，依家有晒準備，唔會再犯錯誤。」
陳琪化身模特兒，任老公私影。
陳琪化身模特兒，任老公私影。

不熟水性的她透露此行發生了小意外：「其實當地唔係想像中咁波平如鏡，有日我玩浮潛，去公海就畀個船家點咗，叫我跳落去睇海龜，點知我好快就變咗方力申，喺海度嘔！老公見到即刻叫人救我返上船，嗰刻我就似拍完沉船片救番上岸咁，真係好大浪！」

兩公婆划艇出海。
  • 兩公婆划艇出海。