婷婷高一吋最Prefecct
審美眼光隨時代在變，女為悅己者容，幫自己整靚啲又何需藉口？謝婷婷和文詠珊戲言如果要「整容」的話，希望整靚雙腿，變長腿姐姐，至於只有廿歲的吳千語，自信心爆棚，揚言沒有地方需要整。
時尚品牌活動
謝婷婷：「我想再高啲，整容整長對腳！如果高多一吋就好，好似model身形咁着衫又可以再靚啲。」
《Suisse Programme活動》
周慧敏：「年紀大我會換假牙，因為人大咗，牙齒就會衰退，要做牙齒手術。但一定就唔會整容，我崇尚自然，自然就係靚，人工改造未必等於美，始終有風險。」
溫碧霞：「我唔會整，只會考慮皮膚做機，可以實啲。因為我好驚痛同怕血，微整形都唔得，其實做多啲運動仲好。」
《BMW 4 Series Coupe新車發布會》
文詠珊：「我想整隻腳，想瘦啲，腳係代表性感，：，不過自己都係講吓，真係冇勇氣整。」
《太古廣場My Haven My Place秋冬時裝騷》
吳千語：「要整就整三、四層眼皮，其實好多人都鍾意尖面，但我覺得過多兩年就會興圓面，自然就最靚，如果要整，我都冇嘢好整。」
《i.t鞋履品牌》活動
何佩瑜：「我想整白啲牙，因為我成日飲咖啡同紅酒，媽咪隔一排見我就話我啲牙黃咗，所以我嚟緊真係要整白啲牙！」