麥明詩讚林作貼地咗落閘唔吼老外

藝人麥明詩昨日在淺水灣出席Market Place by Jasons Sainsbury's登陸慶祝活動，並即席下廚整甜品，她透露以前在英國讀書時亦有下廚，更懂得西式浪漫食譜，她笑說：「會搵啲米芝蓮食譜研究，有煮過畀男朋友食。（邊個？）大學嗰個囉！（入咗娛樂圈嗰個？林作？）唔係啦！（林作食過你煮嘅嘢？）未必有。（喺香港有冇煮過？）依家人大咗，冇咁浪漫！」

談到舊愛林作指早前與麥明詩一同出席活動的「地表最帥數學教授」博塞利（Pietro Boselli）樣子花心，而他則貼地及踏實，麥明詩說：「係貼地咗同踏實咗。（佢酸溜溜？）佢唔係咩情敵啦！都走咗啦！而且我唔鍾意外國人，佢哋唔識聽廣東話，笑片啲粗俗啲嘅說話聽唔明！」

再撐媽咪做官

此外，早前陳美齡表明不會做教育局長，因覺得教育並非「玩玩吓」，似暗示麥明詩早前笑指媽咪也能擔任教育局長一事，對此，麥明詩坦言有聽聞，認為若娛圈中有人可擔任政府要員是值得鼓舞，並為對方拒任而可惜，她又強調支持媽咪出任並非講笑：「真心覺得佢有能力，希望後一屆政府可以考慮啦！媽咪退咗休可以試吓。（陳美齡唔做，媽咪依家會考慮？）要問吓媽咪準備好未，但佢係未收過邀請嘅。」

林作	博塞利在活動上捉實麥明詩手仔，搞到林作酸溜溜。	林作最近晒股又Cosplay，係咪麥明詩口中嘅「貼地」？

談到母親節可會為媽咪下廚？她笑言會多給家用，因下廚後要麻煩媽咪清理廚房，又透露買了一部新電話給媽咪，因媽咪喜歡為她拍照。

文：影視組