變臉Kary:開心咪去整

吳雨霏、蔡卓妍（阿Sa）、謝安琪、官恩娜、李克勤、鄭欣宜及鄧紫棋等歌手，前晚出席「新城22聲光綻放音樂會」，部分歌手與新城董事總經理馬健生及贊助商高層切蛋糕，慶祝新城電台22歲生日。穿連身短裙騷白滑長腿的Kary，以壓軸嘉賓身份出場，她獻唱新歌《今夜煙花燦爛》時，現場放煙火配合。

《好報》爆「升級」

Kary自6月與余文樂分手後一直閉關做歌，早前《好報》踢爆她為展開新生活，「變臉」升級3.0版，記者前晚見Kary明顯「省鏡」，她笑說：「講整容講足20幾年，睇到悶。（接受整容？）開心咪去整，個人喜好。（你開心會去整？）唔回應喇，關於呢個話題講完又講。」

與余文樂分開後，Kary被指「變臉」展開新生活。（資料圖片）

官恩娜晒靚腿獻唱。

而Kary年初獲阿樂送上情侶篋，問會否再用該篋？Kary說：「冇諗過用唔用。（怕觸景傷情？）其實件事都過咗去，應該向前望，到時可能買新篋呢。」

阿Sa對男友陳偉霆非常信任。	谷出湯碗胸的欣宜沒想過減肥。	眾歌手與新城高層慶祝新城22歲生日。

阿Sa同房慰男友

阿Sa承認曾到內地探男友陳偉霆班，問到是否同房？阿Sa說：「唔使講得咁清楚。」問到擔不擔心男友在內地有飛來蜢？阿Sa自信十足說：「唔驚，又唔係第一次拍拖，好多嘢係注定。（傳你哋同居？）唔係，我住佢隔籬嗰幢。」脹爆的欣宜谷出湯碗胸，她說：「我係重咗好多磅，但依家覺得健康最緊要，冇諗過減肥。」

採訪：音樂組