洪卓立（Ken）昨日出席「3家居寬頻★英皇新秀歌唱大賽」宣傳活動，他表示近日忙於為新碟錄音，目標是今年內推出兩張唱片：「唔係話計劃去爭獎，不嬲唔會畀壓力自己。」他透露近日仍不忘要健身操弗，若成功練到張家輝身材的三分之一，也可展露腹肌給大家看看。
提到早前因秘密與緋聞女友湯怡「蜜」遊沖繩而連累Ken媽被罵，他稱媽媽沒因此而心情低落：「佢啱啱去咗沙漠旅行，真係好擔心佢。（派湯怡陪佢？）佢都有工作在身。（公開情侶關係？）冇諗咁多。」
