樂仔拒評吳雨霏變臉
吳雨霏（Kary）被《好報》踢爆與余文樂分手後疑抑鬱，更有指她因而再度變臉，愈整愈似宅男女神Janice Man，日前Kary被記者撞到，她驚惶失措在車內開遮遮樣，而對於Kary的種種傳聞，昨日樂仔都不願多提舊愛及不作回應。
吳雨霏與余文樂拍拖半年就玩完，皆因兩人性格不合，今期《好報》爆料指Kary被樂仔狠飛後，心情跌落谷底，過去兩月一直潛水，有抑鬱迹象。
有指Kary是因不夠靚被飛，所以她被傳再玩變臉，最近樣子更進化到似樂仔大讚靚女的Janice Man。
樣子進化似JM
失戀後的Kary一直未公開露面，早前《好報》影到素顏戴黑框眼鏡的Kary，從跑馬地寓所乘保母車外出，見她披頭散髮頭耷耷，司機發現記者追訪，即兜路帶記者遊花園，之後Kary命司機回家，期間記者上前拍照，Kary一反友善常態，驚慌得用衫及手遮樣，司機更在車內開遮護主。
Kary最近不時在Instagram及微博上載自拍照，日前Kary又上載照片，見她化行妝明顯變臉，並留言：「今日終於似番個人。」而另一張大頭相，見Kary的面形、心形嘴及下巴P:與JM很相似。
閉關逾兩個月
另邊廂的樂仔將接拍新片，更會與JM合作，日前樂仔應老友邀請到銅鑼灣吃潮人拉麵，被問到舊愛Kary似有抑鬱及變臉時，他笑瞇瞇沒回應，昨日樂仔透過經理人說：「唔係事實唔回應。」Kary所屬的唱片公司也代她否認傳聞，據知Kary閉關兩個多月，本月中將復出工作見人。
文：音樂組