- on.cc 東方互動主頁
- 4月6日 (日)
據稱深圳有間蠱惑酒吧，請咗大批美少女，然後要佢哋用手機短訊吸引啲陌生男士嚟把酒談心，之後用啲十零蚊嘅紅酒，報稱係千元佳品，不少男士上當後仍懵然不知。嚟自十八桑拿嘅微微就話，啲男人真係易呃！
微微話：「我以前喺間高級咖啡店上班，一杯咖啡都五六十蚊，所以冇乜人嚟幫襯，於是店長就諗到條絕橋，就係狂發短訊出去，內容係我回來了，很想和你見見面，明天幾點喺某某餐廳等，最後寫上『前女友』。好多男生一見到就會準時赴約，入到嚟難免叫杯咖啡，一坐就一個下晝，客人最少都飲一杯，最多嘅飲咗五六杯添，最後前女友當然冇出現，而我哋日日就做多咗好多生意，我望住啲男士，都唔知好嬲定好笑，只寄予無限同情。」
當中有冇啲特別故事呀？微微話：「有一個好特別，個男仔由下午等到我哋收工，最後仲喊起嚟，由於臨收工餐廳冇乜客，我就坐低安慰佢，原來佢女友一年前交通意外死咗，突然收到短訊，心諗女朋友唔會再出現，但姑且應約，最後願望落空，自然喊到停唔到口，我見佢咁可憐就陪佢返屋企，之後仲喺佢屋企過咗一晚添，雖然唔知可唔可以幫到佢，但見佢力戰咗三個回合，應該冇問題o架啦！」好似容易畀人呃嘅係你喎！
年齡：21歲
三圍：34-24-35
撰文：小德
攝影：阿生
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
