舊愛王宗堯：唔好當真

DaDa舊愛王宗堯、緋聞男友李雨陽和好友沈震軒，昨日接受電話訪問時齊撐DaDa，王宗堯表示看到微博感意外：「我識嘅佢係有少少脾氣，佢攞獎前都已經畀好大壓力自己，背負好多責任，可能佢情緒未處理得好，所以都唔好當真！但如果佢真係選擇做番普通人，會祝福佢。」
王宗堯不諱言舊愛DaDa有小小脾氣。
王宗堯不諱言舊愛DaDa有小小脾氣。

李雨陽就表示他跟DaDa已有一段時間沒有聯絡：「我發咗訊息問候佢，如果佢真係唔開心，行開下都冇所謂，佢依家先24歲仲後生，就算10年後返嚟都只係30幾歲，會支持佢決定。」而沈震軒亦表示尊重DaDa離開娛圈的決定：「做得藝人都要食得鹹魚抵得渴，壓力一定有，希望佢可以將壓力變成正面。」

沈震軒支持DaDa決定。
  • 沈震軒支持DaDa決定。