熊黛林夏日狂花
每年夏天Floral print例必是大熱的時裝元素，各大時裝設計師都總愛用上花花圖案設計服飾，可謂在任何年代都不會Out，不同花花予人感覺亦有不同，碎花充滿少女味，大花則優雅成熟，每年都會有某種花花圖案特別流行，今年就以大花最為盛行，多數還會配以雪紡質料，增添飄逸清新氣息。圈中一眾名模女星亦紛紛熱捧這股花花熱潮，親身示範夏日花花Look，名模陳嘉容就大讚劉嘉玲優雅高貴，熊黛林則身形搭夠。
熊黛林
套衫好靚，佢Model身形亦都Carry到，不過少咗啲Accessories，如果戴番對誇張少少嘅耳環或者頸鏈，甚至乎幼帶嘅手錶，都可帶出成個Look嘅味道。
少女時代成員Tiffany
夏天出海Look，但就唔特別亦都唔起眼，頭飾誇張，件Top太長顯得佢對腳短，襯呢對高踭鞋格格不入，換件短身Top同Platform鞋會青春啲，對腳顯得修長啲。
劉嘉玲
優雅高貴，紅唇同條裙好襯，係亮點所在，配黑色Clutch係好穩陣嘅配搭，若換個紅色或粉紅色嘅Clutch，襯番條裙嘅花色會更Sharp。
陳嘉桓
好普通嘅少女打扮，太Casual，一啲星味都冇，條裙本身嘅Pattern同Cutting都唔靚，浪費咗佢高挑嘅身材。
汪圓圓
合格，襯Nude色高踭鞋都OK，可惜條裙着到佢老積咗，唔啱佢咁Young嘅年紀，如果胸前嘅黑色帶，換成淺調會有番啲少女味。
章子怡
好靚，好有時尚感，呢個Look行紅地氈好Sharp好突出，好佻脫又有清新氣息，髮型都襯得恰到好處。
周慧敏
一貫嘅玉女Look，好Classic，大方得體。紅色Belt同條紅色花花裙好Match，亦突出咗腰型，佢個妝容比較淡，感覺比較Plain，加對紅色嘅耳環會Sharp啲。
香港著名模特兒陳嘉容（Eunis），曾為各大國際品牌行時裝騷，在時裝界打滾多年，在時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。