Mr.成員Dash座駕變形 父子執番條命
樂隊Mr.成員Dash（譚健文）前晚在網上自爆上周二發生交通意外，座駕在行駛期間遭隔籬行車線的田螺車切線撩尾攔腰撞，被推前數十米，半邊車身被壓至變形！幸而Dash成功保命，前座的父親僅受輕傷，他坦言是「不幸中之極大幸」！
Mr.成員Dash前晚自爆4月25日遇上交通意外，並上載車Cam片段，片中見其白色座駕在公路行駛，旁邊的田螺車因突然切線撞及其車尾，致其座駕飄移打橫，復再遭田螺車攔腰向前推了數十米，半邊車身被壓到變形！Dash在網上交代事件，慶幸坐前座的父親只受輕傷，現已康復，惟心理上需要更長時間平復。身為愛車之人的他心痛座駕被撞，希望透過網絡找到車Cam片主，作為日後警方調查及呈堂證供。
爸爸坐前座受輕傷
記者昨日致電慰問Dash，他表示上周二在九龍灣啟業邨對出發生交通意外，幸而只是車毀，自己沒大礙，但座駕被撞到右邊車門凹陷及變形，車窗玻璃散落車廂，車尾泵把亦有明顯被撞痕迹。他不清楚為何會發生意外：「喺後面架車Cut線撞過嚟，撞正我架車兩邊門中間嗰條柱，跟住架車就打橫，再向前拖行咗40、50米。」他慶幸沒大礙：「只「係少少擦損，但撞完後頭暈，阿爸就有少少擦傷。」問到捱撞時可想過會死？他指當時腦中一片空白：「撞嘅衝力唔係好大，個人係清醒嘅，心諗『咩料呀，唔好咁大鑊呀！』因為我要去廣州做陳偉霆演唱會，所以心諗唔好有事！好彩係撞架車最硬嗰個位，喺我嗰邊。（好彩唔係撞阿爸嗰邊？）係o架，否則我喊o架！大佬，嚇到標尿！」他表示今次是「不幸中之極大幸」，暫時未知愛車是否Total Loss：「我好鍾意嗰架車o架，買咗一年，幾萬蚊，好難再搵到。」
見完隊友就出事
Dash發生交通意外，隊友都非常擔心，當中身在中山拍攝網絡電影的Ronny昨日接受長途電話訪問時說：「當日係Dash車住爸爸嚟我度拎結他，走咗幾個鐘就遇上交通意外，條片好恐怖，真係有機會全部乜都冇晒o架，人車乜都冇！真係好危險呀，之後冇見過佢，但佢話兩父子平安就得啦。」
另外，Mr.上月13日推出與環球唱片公司解約後的兩張新曲加精選唱片，當中收錄了《不屈》、《口罩》及《還原成長》等21首新歌，成員MJ接受電話訪問時表示《不屈》講述不論有多少難關，他們仍會堅持信念，並透露Mr.將於7月舉行廣州音樂會。
文：音樂組