Asha跟風食齋減肥
Jessica C.師妹英菲混血模特兒Asha C.在YouTube紅爆，自十五歲起在YouTube拍片評盡港人文化，吸引一批後生仔追看。她在YouTube的出眾評論，得到公司留意，在英國返港後由網絡女神轉戰模界。在香港土生土長的她講得一口流利廣東話，坦言：「我知道我個樣咁鬼妹，一定會吸引到啲人撳入嚟睇我講廣東話！冇咩人會信我可以講得咁流利！」
日前Asha參加由名模Lisa S.主持的新加坡版真人騷《全美超級模特兒新秀大賽》，在節目中一班人接受苛刻的懲罰，個個喊咁口，不過Asha卻表示最奇怪的是比賽期間人人食齋，她笑言：「佢哋為咗影相冇肚腩，節食得好犀利，個雪櫃真係得菜！個個都食咁少，我惟有跟佢哋一齊節食喇！」