阿佘車震羅仲謙周身瘀

剛約滿無綫的佘詩曼，與方力申在新片《人約離婚後》飾演一對夫妻，電影題材講述「換妻」，相當敏感。阿佘在戲中分別與方力申和羅仲謙有感情戲，她笑言與羅仲謙一場「車戰」最為難忘，她說：「車廂內唔可以開冷氣，車廂地方細，佢又大隻，搞到我瘀晒。」

鄧麗欣唔難頂

問阿佘有沒有被羅仲謙撞到重要部位？她說：「咁碰撞梗有，但冇撞到重要部位，但個嘴都好重要o架。」阿佘笑言戲中因太愛方力申而為他犧牲接受「換妻」。問到現實中是否同樣癡情？阿佘說：「都係o架，但打我梗係唔得，亦都未試過。」在旁的方力申插嘴問：「佢有冇試過有第二個？」阿佘即說：「又冇，我唔知。」

方力申表示「發脾氣」是女仔的專利，他強調入行前試過在街呆等女友兩小時，更差點被警察控告遊蕩，他說：「都冇辦法，拍拖時當然會忍。」問到鄧麗欣是否「難頂」一族，他說：「作為朋友，唔難頂。」

佘詩曼與羅仲謙頻頻「偷食」。（資料圖片）

羅仲謙昨日出席活動，有性感美女相伴。

人人有曳一面

方力申為避談「女友」鄧麗欣，刻意將話題扯到阿佘身上，阿佘坦言自己有時都會無理取鬧，例如心情唔好或工作壓力大的時候。而方力申表示不擔心電影會影響形象，笑言每個人心中梗有曳的一面，現實中唔敢做，但可以在電影中表現出來。

文：影視組