高海寧易氹彈琴電得暈
高海寧昨日以透視裝出席港男招募活動，對於擇偶條件，高海寧自言好易氹，識彈琴跳舞已足夠電暈她，不過最緊要體貼及孝順，才氣緊要過財氣。
前港姐高海寧、周家蔚及劉倩婷昨日出席《香港先生選舉》在銅鑼灣的招募活動，同場的三位港男師兄高鈞賢、吳雲甫及翟威廉表演才藝搶鏡，高鈞賢彈琴冧劉倩婷，令女方表示勁Sweet，翟威廉則Chok樣跳Hip Hop。
有才藝更吸引
身穿透視低胸裝的高海寧隱約露事業線，她表示參選港男最緊要有信心，自言好易氹，識彈琴跳舞已足夠電暈她：「我覺得內在緊要過外在，有才藝更加吸引！」問到會否推薦兩位弟弟參賽？她表示他們未夠年齡：「佢哋係宅男，最叻捉棋咋！要訓練吓先可以參選。」
高鈞賢表示今屆可能加入歷屆港男做評判，他表示參賽者最好大隻又轉數快，最緊要有突出之處，即使騎呢也可以。
高鈞賢恨拍拖
將滿27歲的高鈞賢自嘲年紀大，直言心急想搵女友：「試過圈外人但唔Work，所以希望搵圈中人！（有目標？）未有！但要高嘅！（接受到性感？）OK架！我都係港男出身。（呂慧儀？）唔得！太好朋友喇！」符合條件的高海寧得知高鈞賢想找圈中女友後即哈哈大笑：「你問番佢啦！要睇Feel！」她表示鍾意才子多過「財」子，擇偶條件是孝順、鍾意小朋友及體貼，因她很重視家庭觀念。她又大讚今屆港姐質素，並希望跟隊到台灣拍外景。
文：影視組