袁詠儀打回「圓」形驚現三下巴！

袁詠儀邊行邊撳電話，三下巴非常明顯。

袁詠儀數月前因拍攝電影，花了近兩個月時間，靠運動及食營養餐減肥，成功減近20磅。一向與老公張智霖恩愛的她，當時笑老公有很大壓力，要減埋一份，還指他肥到似「叮噹」般圓潤。消瘦不少的靚靚早前大晒弗爆身材，激罕於社交網上載比堅尼的索爆相，不少網友讚她性感誘人。

• 買完朱古力後，袁詠儀急急離開。

化身低頭族

不過事隔數月，靚靚的身形似乎打回「圓」形！早前她與兒子張慕童慶祝13歲生日，近日撇下愛兒，獨自往中環行街。見她戴黑超遮素顏，於該處名店穿梭一輪，但兩手空空離開。等過馬路時，她化身低頭族，頻頻甜笑撳電話，似與老公電話傳情，講到忘形的她驚現三下巴，即時引來途人目光。

之後她急急步入附近一間朱古力店，手指指揀了大包朱古力後，又不停嘴嘟嘟講電話，逐一報告朱古力味道，似乎是寶貝仔「遙控」她做跑腿。最終靚靚買了兩大包朱古力離開，步出時見記者拍照，她即笑笑口打招呼，態度友善。