Kelly鍾情粉紅打造姣餃
「潮媽」陳慧琳（Kelly）日前到上海工作時不忘瘋狂購物，為愛兒劉昇（蝦餃仔）買了不少粉紅色新衫，令老公甚為不滿，Kelly說：「依家細細個姣得起吖嘛！」
Kelly前晚以一身鮮橙色的連身裙出席時裝品牌Tory Burch的慶祝酒會，經歷小產後休息近兩個月的Kelly明艷照人，特別獲安排坐低接受訪問，Kelly透露剛由上海返港，於當地趁機會為蝦餃仔瘋狂血拼，她說：「我自己有贊助嘛，全部都係買童裝，（老公詐型？）佢唔知我買幾多，淨係叫我唔好買粉紅色，但我覺得阿仔姣得起吖嘛，依家唔姣，唔通大個先姣咩？」Kelly透露身體慢慢復原，日內開始可以進補：「後日去廣州做表演嘉賓，仲要唱快歌添，唔會跳勁舞啦，我怕觀眾嚇到流晒汗！」
泳兒XS着唔落
至於密實到場的周秀娜（娜姐）因心口敏感出紅疹而被迫封胸，但她說會跟同月生日的男友Avis一齊搞船P慶祝。同場的泳兒跟詩雅拍住上場，泳兒笑言：「衫係品牌揀畀我哋，不過要大改，因為我哋比較細粒，就算XS都要改好多！」而詩雅透露收到通知，將會首次獲頒演藝的獎項，令她非常興奮。
此外，名媛葉梁美蘭公開投訴某雜誌，她說：「近期我同本雜誌做個專訪，入面好多內容都報道失實，隱喻我朋友懷疑因為潛建（隆胸）而導致有乳癌，我完全冇咁講，睇完真係好嬲，我唔會再信呢本雜誌。」
採訪：音樂組