溫家恒自力更生慳住使

樂壇新人溫家恒（Vincent）雖然本身家庭環境不俗，不過私底下的他原來是「慳仔」一名，他笑言初入行期間由於收入不多，為免「攤大手板」問父母拿零用錢，恒仔情願「慳啲使」都不願入不敷支。問恒仔如何開源節流時，他即不好意思謂：「嗰時我好搞笑，會寫定每日每樣嘢限使幾多錢。」說得興起的恒仔，還「即席揮毫」向記者展示當年的「財政表」：「嗰時我每日限自己使一百蚊，當中二十蚊用嚟搭車，六十蚊食晏同食晚飯，之後剩番嗰二十蚊就當雜費。（每日得一百蚊夠唔夠o架？）係好難o架喇，尤其係交通費，假若要過海廿蚊真係唔係好夠。不過咁，如果嗰日我要周圍去嘅，即係代表我多嘢做啦，因為咁樣嘅情況而使多啲車費，我覺得OK嘅。」