搭棚工遺孀感激善長送暖

元朗大棠路於十月發生奪命工業意外,搭棚工人王祐生進行棚架拆卸工程時,從高空墮下,送院搶救不治。年僅卅二歲的阿生萬事以妻兒為先,為家人眼中的好丈夫、好爸爸,奈何現時天人永隔,東方日報慈善基金已即時從「無力殮葬」專戶撥款二萬元直接向殯儀公司支付相關殮葬費。不少善長得悉事件亦紛紛施援,東方日報慈善基金與太陽報愛心基金共接獲近十萬元善款,已悉數將善款交予遺孀以解困境。

「嗰日收到電話話阿生出事,我仲以為係啲呃人電話,點知打番去,個同事話佢跌咗落嚟,我即時飛的去醫院,嗰時都唔知佢救唔番,仲以為可以同佢返屋企……」阿茵提及丈夫發生意外當日的情況即淚如雨下,更坦言現時仍難以接受丈夫突然離開自己。她指丈夫一直視搭棚為國粹,由十四歲學師,至今晉升為師傅,亦教出不少徒弟,「其實都知道佢份工有危險性,但佢平時都好注重安全,如果冇安全帶一定唔會開工,所以都冇諗過會發生呢啲事。」

阿茵又稱讚丈夫為人顧家,平日事事以妻兒為先,將最好的給予家人,每逢假日又多進行親子活動,更因為與兒子的一個承諾而戒煙,「嗰時阿仔問佢可唔可以唔食煙,佢話阿仔乖就唔食,結果真係講得出做得到。」

努力養育兒子 回饋社會

面對至親離世,家中頓失經濟支柱,阿茵坦言感到前路茫茫,但為了年紀尚幼的兒子,仍咬緊牙關,並考慮報讀課程學習其他技能,待兒子上學時擔任兼職。

「好感激大家,雖然係陌生人都咁幫助我哋,真係好有心,我唔識得點表達,但係真係好多謝大家!」對於基金協助殮葬費用以及善長的慰問,阿茵連番衷心致謝,並且承諾會努力養育兒子成人,待將來有能力時回饋社會上其他有需要人士。

捐款編號:12745

記者:詹海萍、攝影:黃芷君

第一手消息請下載on.cc東網iPhone/iPad/Android/Windows Phone Apps