家徒四壁 彼得叔盼添家具
四幅冷冰冰的牆，一旦注入善長的愛心，將能為周彼得營造暖暖的家。凝視彼得叔雙腳上兩條長長的傷疤，不難想像三行工作的辛勞。彼得叔勞碌半生非但未能換來美滿的退休生活，反而弄得滿身傷痕兼流離失所。最近終獲房屋署編配啟晴邨單位，惟靠長者生活津貼維生的彼得叔即使「唔食唔使」，一年仍無力添置全屋家電，希望透過東方日報慈善基金呼籲善長捐助，重置溫暖的家。
「後生嗰陣搬得抬得，搵到餐飯食，但做咗幾十年之後，兩隻腳終於都捱唔住，左腳膝蓋換過金屬關節、右腳腳眼又裝咗不銹鋼釘」。六十六歲的彼得叔年輕時當三行工人，日曬雨淋靠勞力賺取生計，辛勤工作雖換得生活，但亦換來滿身傷痕，左、右腳先後接受手術，分別遺留約八吋及四吋疤痕，未幾更喪失工作能力，過着流離失所的生活，「人哋睇到我隻腳咁樣都叫我退休，仲邊會請我，山窮水盡嗰陣，連屋都冇得住」。
「最緊要有張床瞓」
幸人間有愛，與彼得叔相識數十載的「死黨」，在危急關頭無條件讓彼得叔借宿一宵，未料卻一住便兩年多，「佢唔肯收我租，咁自己咪幫手做啲家頭細務，洗衫、煮飯咁當係答謝」。彼得叔在社工協助下申請公屋，最近獲配啟晴邨單位，原以為終可擁有屬於自己的家，可惜彼得叔身無分文，面對新居空無一物大感惆悵。
「唔好話買傢俬，平日都係搵啲十幾蚊飯盒食咋！」彼得叔退休至今剛好十年，僅有積蓄亦已耗盡，現時每月只能靠二千多元長者生活津貼維持生活，一日三餐不時亦難以應付，一直堅持自力更生的彼得叔，終在月前於社工協助下向社會福利署申請綜援，遷入新居後卻為添置家具懊惱不已。
經了解彼得叔的情況後，基金已即時透過與中華煤氣有限公司合辦的「煤氣爐具贈送計劃」，送出一個全新煤氣熱水爐及煮食爐，令基本煮食問題得以解決，至於其餘家電，則有等待善長施以援手，「最緊要有張床瞓，有雪櫃雪住啲飯餸，其他嘢都仲可以自己慢慢儲錢買」。
捐款編號：12465
記者：黃芷君