英國有間拍賣公司做咗個調查，發現有一成男士願意以一百萬英鎊放棄自己嘅另一半，而女士則半成都冇，可見男人真係比較冇良心，而嚟自澳門大富豪桑拿嘅Candy就話一想起就把幾火，想打巴啲衰男人！
邊個得罪咗你呀？Candy話：「咪係我嘅前任男友囉！佢幾乞人憎呀！有次同佢去公司晚宴，由於我太靚女，佢上司對我一見傾心，要求佢離開我，點知個衰人竟然一口答應，你話佢當我係乜嘢呀？人哋調查話明值一百萬英鎊，佢為咗錢放棄我，咁都情有可原，話晒我都值錢，但個衰人家陣只係為咗份工，連一蚊都冇收咁就放棄我，你話係咪火都嚟，畀我見到佢，實一巴一巴咁打到佢變豬頭呀！」
又講得幾啱！咁最後有冇打佢呢？Candy話：「我係斯文人點會打人呢！要報仇有大把方法，後嚟我咪順水推舟同佢上司拍拖囉！個零月後我故意去公司接佢收工，更喺佢面前同前男友有講有笑，佢自然唔鍾意，唔使一個星期就將前男友炒咗，真係大快人心，後嚟有日撞到前男友，佢仲傻更更同我講上司小氣，我話佢唔係小氣，而係緊張我，呷我嘅醋，總比一啲都唔緊張我嘅人好，最後我估佢都係唔知，其實全部都係我嘅報仇計劃。」所以話咪得罪女人呀！
年齡：21歲
三圍：34.5-24-35
撰文：小德