前AV女優兼女神明日花綺羅有個型男老竇，只係再型嘅男人，年紀大咗都會走樣，因此明日花就豪花200萬日圓為父親嚟個大改造。另外，日本有研究稱，天生鼻大嘅男士兵器會比其他人長啲，究竟點解呢？
今年32歲嘅前AV女優明日花綺羅，自去年2月宣布引退後，便全力投入網紅及YouTuber嘅工作，而早前佢就喺YouTube頻道「明日花綺羅 Channel」上，分享「父親大改造」嘅影片，內容相當簡單，就係豪花200萬日圓將55歲父親打造成型爸！為咗將父親改頭換面，先帶佢去美容院同髮型屋，然後再換上為佢準備嘅時裝，最後安排父親跟母親見面兼撐枱腳，而明日花母親見老公變型男真係相當驚喜。
不過，其實明日花喺2019年10月時，曾分享過佢父親年輕時嘅照片，當年已係型男一名，因此其實唔使點執，都已經相當有型啦！
早前喺日本「男根節」時，一位男網民「ZMD11S」便分享自製嘅「男根高達」模型，獲得網民激讚！雖然製作者並無講用乜嘢模型零件製成，但模型從頭部到根部，真係激似男根，尤其係根部下面兩顆流星槌，更有畫龍點睛嘅效果，配合埋模型嘅顏色，果真係邪念十足，最搞笑嘅係佢仲為模型拍攝多張照片，從某啲角度睇像真度超高！不過日本網民卻認為，佢應該叫做「自娛高達」會更貼切，因為外形似震棒喎！
天生鼻大嘅男士兵器同樣大，呢種講法係咪真呢？日本京都府立醫科大學早前就進行一個名為《Nose size indicates maximum penile length》嘅研究，記錄126具喺3日內過身嘅中年男性遺體，測量佢哋嘅身高、體重、鬆弛陰莖長度、左右睾丸重量、前列腺重量以及計算陰莖伸展長度，結果發現鼻長少於4.57cm嘅男性，兵器長度最多為10.41cm。至於鼻長超過5.59cm嘅話，兵器長度則有13.46cm。而喺呢兩種鼻長之間嘅男士，兵器平均長度為11.43cm。研究團隊稱，男士兵器大細好可能係同基因有關，同時亦表示，研究結果有機會僅限日本男性。
撰文：魂