喺男士心目中，點先算係女神？筆者認為，樣靚係最起碼嘅規格，如果加埋胸大、腰幼、長腿等，咁就更加冇得頂！今日為大家介紹嘅韓國人氣賽車女郎柳多妍，就係一位典型女神！
出生於韓國京畿道平澤市嘅佢，因為生得夠靚，求學時期已經係一位兼職攝影模特兒，並於2014年畢業後正式入行，而第一個演出就係擔任賽車女郎。憑住174公分嘅身高，34-25-35嘅三圍，襯埋性感嘅賽車女郎制服，將佢嘅迷人身段表露無遺，因而成為超人氣賽車女郎。事後，阿妹挾住超高人氣，經常喺車展同展場中亮相，裙下之臣愈嚟愈多。話時話，佢唔止樣靚身材正，仲好有料，擁有工商管理學士學位，真係美貌與智慧兼備！