近年日本AV廠SOD相當注重宣傳工作，所以不斷為公司內嘅宣傳部招攬優質員工，繼而因利乘便將當中嘅宣傳部女職員帶到AV界，好似櫻井彩、市川雅美等，喺拍AV之前就係隸屬於SOD宣傳部喇。繼佢哋之後，宣傳部嘅可愛美少女加藤桃香亦已經投入AV拍攝，實行以自己嘅美色作為SOD嘅生招牌。之不過，SOD仲嫌未夠吸引，最近向外來女優招手，搵來和美擔任公關大使，主要負責宣傳以及招攬素人男優參與AV拍攝工作。和美呢位女優青春可愛，萌味十足，喺2014年出道以來受到唔少喜愛萌系妹妹嘅AV迷寵愛。另一方面，和美亦係一名甚有名氣嘅Cosplayer，經常喺國內外動漫活動中登場，據聞SOD就係睇中和美呢個特點，搵佢做公關大使並且成為廠內專屬女優其中一員，實行向動漫迷埋手，吸引佢哋踴躍擔任素人男優，認真諗得周到喎！