每年韓國都有唔少生力軍加入車模界，實力稍為差啲，真係好易被人遺忘。至於要人氣Keep得住，真係好講觀眾緣，好似今日介紹嘅吳雅琳就係表表者，仲被人稱為「最襟睇模特兒」呢！
先講明「最襟睇」呢三個字，用喺雅琳身上真係幾貼切，事關佢嘅相貌唔會畀人一種「霎眼嬌」嘅感覺，只要望多幾眼，就會Feel到佢身上有股氣質，好有傳統韓國女性嘅味道，配合埋175公分嘅身高、34-25-36嘅魔鬼級三圍數字，仲有一對修長嘅美腿，當堂加唔少分。雖然阿妹已貴為韓國人氣模特兒之一，但原來佢當年因擔心自己嘅外形未必受大家歡迎，曾離開模特兒界一段短時間，後來諗通咗，覺得自己既然享受呢份工，無理由就此放棄，於是重操故業。話時話，阿妹好耐冇影過泳衣寫真，唔知幾時會有新嘅靚相推出呢？