每位成功男人嘅背後，總會有個女人作後盾，同樣地，一個女生要為自己嘅人生作決定，好多時亦需要呢個女人嘅支持同鼓勵，講緊嘅，當然係偉大嘅母親喇！好似今次介紹嘅寫真妹櫻田愛音，全靠有阿媽力撐，佢先能夠鼓起勇起踩入寫真界，大家之所以咁有眼福，真係要同伯母講聲「多謝」！
好多人都會發明星夢，幻想自己可以成為萬眾矚目、名利雙收嘅藝人。不過，每年有咁多人出道，要成功突圍，談何容易，黯然引退者比比皆是，所以好多父母唔太贊成仔女發明星夢，免得佢哋受到挫折同浪費青春。當然，有啲家長唔係咁諗，所以我哋先有機會一睹櫻田愛音嘅驕人身材。
現年18歲嘅愛音，樣貌嬌俏可人，雙眼夠晒大，笑起上嚟特別迷人。身材方面，阿妹真係無可挑剔，凹凸有致，胸前有對圓潤彈手嘅極品G奶，條腰只有23吋咁幼，加上肌膚白嫩，絕對係拍寫真嘅好料子！
櫻田愛音喺上年剛滿18歲嗰陣就加入寫真女優行列，迄今已推出兩隻寫真影像作品，成績算係唔錯。阿妹曾經喺一次訪問中講過，自己之所以能夠喺寫真界同大家見面，好大程度上同阿媽有關。原來愛音對於交朋結友唔係太在行，好朋友只得一個，所以經常同阿媽傾偈，母女關係相當親近。呢位媽媽知道愛女好想做明星，加上見到佢生得婷婷玉立，特別係上圍嘅豐滿度盡得自己嘅遺傳，所以出言鼓勵，希望女兒勇於實現自己嘅夢想。
得到阿媽嘅支持，愛音自然放膽向理想邁進。現時，阿妹除咗拍寫真同出席攝影會，仲參加咗一個叫「LARME AUDITION 2020」嘅選美活動，咁努力，絕對有望上位！
要成功上位，當然唔能夠淨係得阿媽力撐喇！難怪櫻田愛音咁勤力，一方面頻頻出席攝影會，以增加知名度，另一方面又好着意經營社交網，經常上載靚相慰勞粉絲。想一睹阿妹嘅最新寫真照，就要多啲Click入去睇吓喇！
網址：https://twitter.com/sakurada_anon
年齡：18歲
身高：5呎2吋
三圍：34-23-34
撰文：賢