理文Facebook專頁日前推出《2019/20 Season Recap》，同球迷分享旗下球員上半季的數據，繼後防主將列斯奧之後，周三輪到副隊長「光頭」顏樂楓。
司職防守中場的「光頭」，予球迷的印象是「滿場飛」，上半季在各項賽事中，錄得111次搶截，乃全隊之冠！除防守外，「光頭」以同一招先後在傑志和東方龍獅身上取得入球，為理文大軍中其中一位攻守兼備的主將。
「球迷朋友們，好耐無見啦！首先希望大家身體健康平平安安。過去幾個月同大家一樣，多數時間都係留喺屋企，盡量避免出街，最大嘅娛樂就係喺屋企做吓gym，同做啲基本嘅足球練習（仲要唔小心踢咗個波落街，haha）。除此之外就係同朋友一齊online玩足球game。近日疫情喺香港有好轉嘅迹象，希望不久將來可以重返球場見番啲隊友，一齊努力，為今個未完成嘅球季繼續衝刺，睇吓最後能唔能夠再為大家帶來驚喜啦！」顏樂楓表示。