咪以為有對修長美腿嘅模特兒，身形一定係高挑，就好似韓國人氣模特兒李有恩，身高只係得171公分，但一樣可以獲得長腿索女嘅讚譽。當然，阿妹之所以深受歡迎，仲有其他原因，包括標致嘅樣貌、玲瓏浮凸嘅身材，以及型格過人嘅氣質。
早喺2007年已開始當模特兒嘅李有恩，除咗不時以中性打扮示人外，性格仲好有型，所以得到「最型模特兒」嘅外號。點解阿妹咁「型」？佢曾經喺一個訪問中提過，以前冇諗過當模特兒，因為夢想職業係當一位重型貨車司機，可以駕駛一架重達10噸以上嘅貨車穿梭往來，感覺好粗豪，亦因為呢個緣故，佢真係走咗去考重型車車牌！話時話，筆者真係未見過索女揸重型車，唔知會唔會特別型呢？